FLAMURTARI Vlore - PARTIZANI Tirane |
1 : 1 ( 0 : 0 ) |
FLAMURTARI Vlore: Estref BILLA - Ilir ALLIU , Taulant BAKIU , Arnold CIPI , Dritan RESULI -
Sajmir HAXHIU , Gentian IBRAHIMI (46. Admir UKA ), Klodian LICAJ - Ervin BARDHI (43. Ervin CELA
), Elton MARINI (62. Artan SAKAJ ), Anesti VITO . - On as sub: *Mexhit HAXHIU (Coach)
|
PARTIZANI Tirane: Bledi NALLBANI - Ardi BEHARI (82. Edmond KAPLLANI ), Ardit BEQIRI , Mareglen
KAPAJ , Ilir SHULKU - Igli ALLMUCA , D.C.Junior GERALDO (BRA), Sasha MARASH (YUG) (46. Neves D.R.ABILIO
(BRA)), Ledio PANO (67. Ad. ROCA DE OLIVERA(BRA)), Sokol PRENGA - Alex V.A.CARIOKA (BRA) . - On as
sub: *Shpetim DURO (Coach)
|
Goals: 1:0 Anesti VITO (80.); 1:1 Ad. ROCA DE OLIVERA(BRA) (84.)
|
Attendance: 4000 |
Referee: VELCANI Sazan (Patos) |
Yellow Cards: Admir UKA (1.) / Igli ALLMUCA (1.), Sasha MARASH (YUG) (1.), Ad. ROCA DE OLIVERA(BRA)
(1.)
|
Yellow/Red Cards: Ilir ALLIU (38. Minute) / Ardit BEQIRI (70. Minute)
|
Red Card: Arnold CIPI (85. Minute) / -
|
Minutat e ndeshjes Flamurtari - Partizani
5' - Flamurtari dikton qe nga fillimi dhe eshte Vito qe rrezikon i pari, duke goditur me te
djathten, por topi kalon pasqyren e tere zonen dhe perfundon jashte.
7' - Vendasit kerkojne nje 11-metersh, por gjyqtari Velcani, me te drejte, vazhdon lojen.
15' - Karioka kercen bukur dhe pason me koke per Kapajn, qe shikon Panon te lire dhe pason,
por ky i fundit bllokohet ne castin e fundit nga portieri vlonjat Billa.
20' - Alliu ekzekuton fuqishem nje goditje te lire nga nje largesi prej 30 metrash, por Nallbani
e kalon topin jashte.
22' - Vito rrotullohet ne zone, godet, por Nallbani eshte i vemendshem dhe pret.
35' - Pano pason per Zheraldinjon, i cili shmang kurthin e jashtelojes, por portieri kundershtar
Billa ka lene qe me pare zonen dhe e kalon topin ne anesore.
38' - Flamurtari mbetet me 10 lojtare, pasi Alliu ndeshkohet me kartonin e dyte te verdhe dhe
largohet nga loja me karton te kuq.
42' - Prenga ekzekuton nje goditje te lire nga e majta e sulmit te Partizanit dhe portieri vlonjat
Billa nuk arrin ta kontrolloje topin sic duhet. Zheraldinjo nuk arrin te perfitoje nga ky gabim
dhe topi largohet nga zona, por perfundon ne kembet e Allmuces. Ky godet fuqishem nga nje
largesi prej 20 metrash dhe topi rrok shtyllen pingule te portes se Billes dhe perfundon
jashte.
47' - Eshte serish Flamurtari dhe serish Vito qe rrezikon, por vonohet ne zone dhe me kot
pretendon per nje 11-metersh.
48' - Partizani kunderpergjigjet rrufeshem dhe Prenga nxjerr te lire Panon, qe godet fuqishem,
por Billa behet serish shpetimtar i portes se tij, duke e grushtuar topin jashte.
56'- Licaj tenton 3 here jashte zones, por ne rastin e pare grushton Nallbani dhe ne dy rastet
e tjera topi perfundon jashte.
60' - Nje goditje e lire e Vitos shkakton rremuje ne zonen e rreptesise se Partizanit, por
sulmuesit e Flamurtarit nuk arrijne te perfitojne dhe topi perfundon jashte.
65' - Beqiri godet duke u rrotulluar ne zone, por topi perfundon pak mbi shtyllen horizontale te
portes se Billes.
70' - Numri i lojtareve per cdo skuader barazohet per shkak se Beqiri ndeshkohet me kartonin
e dyte te verdhe dhe largohet me karton te kuq, duke e lene Partizanin me 10 lojtare.
80' - Vito leviz bukur dhe, duke iu vjedhur Kapajt e duke dale i lire para Nallbanit, godet me
qetesi dhe topi perplaset ne shtylle dhe prehet ne rrjete. Flamurtari udheheq 1-0.
81' - Partizani kunderpergjigjet dhe, pas nje harkimi te Allmuces, Prenga godet me koke dhe
topi perfundon jashte, fare prane shtylles pingule te portes se Billes.
85' - Nje bashkepunim brazilian qe e ka zanafillen te Zheraldinjo, perfundon me pasimin e
Kariokes per debutuesin Adenilson, qe i vetem me porten nuk gabon dhe barazon 1-1. Lojtaret
e Flamurtarit protestojne ashper te kryesori dhe anesori Avdo, i cili goditet me grusht ne
stomak nga qendermbrojtesi Cipi. Ky i fundit ndeshkohet menjehere me karton te kuq nga
Velcani, duke e lene Flamurtarin me 9 lojtare.
90' - Pas golit te barazimit, gjithcka ne fushe behet e kote. Neper shkallet e stadiumit
mbreteron nervozizmi, fyerjet dhe hedhjet e sendeve te forta ne fushe kunder lojtareve dhe
gjyqtareve.
95' - Pas 5 minutash shtese, Velcani fishkellen per perfundimin e ndeshjes qe mbyllet keshtu
ne barazim 1-1.
Partizani: vlonjatet grushte ndaj anesorit Avdo
Partizani deklaron se ka pesuar dhune ne Vlore, ne takimin ndaj Flamurtarit. Presidenti Xhani
dhe stafi teknik i te kuqve, thone se gjyqtari anesor Avdo eshte goditur me grushte nga lojtaret
vendas, ndersa ndaj futbollisteve nga Tirana ka pasur nderhyrje te renda dhe te rrezikshme.
'Nuk ka rendesi rezultati teknik para asaj qe ka ndodhur, - thote trajneri Duro, - vlonjatet kishin
hyre ne fushe me mendimin per te fituar me cdo kusht. Ndaj Kariokes dhe lojtareve te tjere
eshte nderhyre shume rende dhe disa nga goditjet mund te kishin pasur pasoja'. Partizani
barazoi ne Vlore, 1-1, dhe ndeshja ishte teper e tensionuar, duke u marre edhe 3 kartona te
kuq, 2 per vendasit dhe nje per miqte. 'Gjyqtari, - thote trajneri i dyte, Tomori, - dha 2 kartona
te kuq per vlonjatet, por kjo nuk e nderpreu dhunen. Ndersa skuadra jone luajti mjaft mire dhe
kishte mundesi qe te fitonte, ndonese ne pesuam gol te paret’. Presidenti i te kuqve, Xhani,
deklaron se do ta ndjeke ceshtjen ne Federate dhe se eshte ne pritje te relacioneve te
vezhguesit, te deleguarit te ndeshjes dhe te gjyqtarit. Me kete barazim Partizani u arrit nga
Teuta ne krye te tabeles se klasifikimit, madje eshte zbritur ne vendin e dyte.
Klubi i kuq proteston zyrtarisht prane FSHF-se per incidentet e se shtunes
Partizani: Ankohemi per Vloren
Klubi i futbollit "Partizani" do te protestoje zyrtarisht prane Federates Shqiptare te Futbollit
(FSHF) per ndeshjen e se shtunes kunder Flamurtarit. Nje gje te tille e pohojne per "Sportin
shqiptar" drejtuesit e klubit te kuq, te cilet pohojne se dokumentacioni perkates, shoqeruar me
kaseten e ndeshjes, do te dorezohet te henen ne FSHF. "Ne besojme qe ne Vlore nuk u luajt
futboll normal dhe, si brenda dhe jashte fushes se lojes, pati shfaqje te tepruara dhune
kundrejt lojtareve tane dhe anetareve te grupit teknik te skuadres", - tha dje presidenti i klubit
te futbollit "Partizani", Albert Xhani. Ndersa drejtori administrativ i klubit, Roland Mici, shton
se klubi ka pergatitur kaseten e ndeshjes me te gjitha incidentet dhe shpreson qe ajo ta
ndihmoje FSHF-ne qe te marre nje vendim sa me te drejte mbi kete ceshtje.
Ndeshja ne Vlore u karakterizua nga nje tension i larte ne fushen e lojes dhe rezultoi ne plot 7
kartone te verdhe dhe 3 te kuq. Nga keto, 3 kartone te verdhe iu dhane lojtareve vendas,
ndersa 4 atyre te Partizanit, nderkohe qe 2 lojtare te Flamurtarit, Alliu e Cipi, u ndeshkuan me
karton te kuq, sikurse u ndeshkua me te kuqe edhe Beqiri i Partizanit. Pas shenimit te golit te
barazimit nga ana e Partizanit, lojtaret e Flamurtarit protestuan ashper prane gjyqtarit Velcani,
ndersa ndihmesi i tij, Sokol Avdo, u godit me grusht ne stomak nga mbrojtesi Cipi. Skena te
tilla nuk munguan as ne shkallet e stadiumit, ku drejtuesit e Partizanit u fyen nga
sportdashesit, ndersa pas ndeshjes, Bakiu i Flamurtarit kerkoi te hynte me dhune ne dhomat
e zhveshjes se skuadres se Partizanit, por u ndalua nga forcat e rendit.
A.B.K.
Vasil Ruci: Partizanit i mungon mendesia
Legjenda e futbollit vlonjat, Vasil Ruci, ishte midis te pranishmeve qe ndoqen takimin
Flamurtari-Partizani dhe u shpreh keshtu per "Sportin shqiptar" ne lidhje me kete ndeshje: "Ky
takim perballte me njera-tjetren dy skuadra qe gjenden ne pozita diametralisht te kunderta
dhe qe, pashmangshmerisht, do te krijonte tensione. Partizani erdhi si nje skuader
kryesuese, duke e ndier trysnine e skuadrave ndjekese dhe duke synuar per nje rezultat
pozitiv, qe do ta mbante ne lufte per titull. Perkundrazi, Flamurtari renditet ne shkallet e fundit
te renditjes dhe synonte te mos binte me poshte. Keto synime te kunderta e ngarkuan se
tepermi emocionalisht kete takim, gje qe u pasqyrua ne fushen e lojes. Partizani duket se
ende nuk e ka kristalizuar mendesine qe i nevojitet per te qene pretendent per titull. Ndoshta
kjo ra ne sy edhe nga mungesa e disa lojtareve. Nga menyra sesi rrodhi loja dhe nga
mundesite qe krijuan per shenim te dyja skuadrat, do te thosha se barazimi ishte nje rezultat
i drejte", - perfundon Ruci.
A.B.K.
Braziliani shenon ne debutim dhe vleresohet nga presidenti Xhani dhe trajneri Duro
Adenilson merr pagezimin e kuq
Adenilson Da Roka Olivera (Rosha)
Mosha:26 vjec
Vendlindja:Kuiaba
Kombesia:Brazilian
Pozicioni:Mesfushor
Karriera ne Brazil:Sao Luis, Paraguasuense, Matonensi (Kampionati "Paolista", kategoria e
pare)
Me Partizanin:1 ndeshje, 1 gol, 1 karton i verdhe
Ndonese ishte federuar me pak se 24 ore para takimit te se shtunes, kunder Flamurtarit ne
Vlore, braziliani Adenilson da Roka Olivera futet ne fushe ne 30 minutat e fundit te lojes dhe
shenon golin e barazimit per Partizanin. Nje fillim qe i tejkaloi parashikimet dhe i beri
drejtuesit e kuq te thone fjale te mira per te ardhurin me te fundit nga vendi i Sambas.
Adenilson, apo "Rosha", sikurse ia kane vene nofken bashkatdhetaret e tij, u federua nga
klubi i kuq te premten pasdite, pasi kishte nenshkruar nje marreveshje te perkohshme me
Partizanin. Te shtunen ai u fut ne pjesen e dyte te ndeshjes, kur kishin mbetur rreth 30 minuta
loje dhe shenoi golin e barazimit ne minuten e 85-te. Menjehere pas ndeshjes, presidenti i
Partizanit, Albert Xhani, do te shprehej keshtu per blerjen e tij me te fundit: "Rosha eshte
lojtari qe i kishte munguar Partizanit dhe qe premton shume per te ardhmen. Atij i mjaftuan
vetem 30 minuta loje per te treguar se eshte me te vertete nje lojtar cilesor. Vecanerisht ne
nje ndeshje aq te ngarkuar emocionalisht, sic ishte takimi me Flamurtarin ne Vlore. Une besoj
ardhja e tij i permbush plotesisht nevojat e Partizanit per nje mesfushor luftarak."
Braziliani ka fituar gjithashtu edhe vleresimin e trajnerit te tij, Shpetim Duro, i cili e shikon
mesfushorin si nje nga kandidatet per 11-shen e pare. "Une e kisha pare Roshen ne stervitje,
por nuk m'u dha mundesia qe ta provoja ashtu sic deshiroja, - tha Duro. - Ishte dicka e
guximshme, por mendova se prova me e mire ishte ajo ne fushen e lojes. Dhe ai i tregoi me
te vertete aftesite e tij, duke ndikuar ndjeshem dhe duke e ndryshuar rrjedhen e lojes. Futja e
tij i dha me teper frymemarrje mesfushes dhe ai ishte i kudogjendur, cka shpjegon edhe
pozicionin e tij ne shenimin e golit. Une e shoh tashme si nje lojtar qe ben pjese ne planet e
mia te kesaj skuadre kete sezon." Sipas drejtorit administrativ te klubit, Roland Mici,
mesfushori brazilian ka nenshkruar nje marreveshje provizore, qe vlen deri ne janar te vitit te
ardhshem, ndersa me pas pritet te nenshkruaje per nje periudhe 1-vjecare. Mici shton se
ishte vete lojtari qe hodhi idene e nje prove 3-mujore, e cila do t'u mundesonte drejtuesve te
kuq nje gjykim me te mire per aftesite e tij. Gjithsesi, sipas Micit, gjasat jane qe ai te qendroje
ne klubin "Partizani" per nje periudhe te pakten 1-vjecare.
Nderkohe, vete Rosha eshte i kenaqur nga paraqitja e tij ne Vlore, ndonese e pranon se eshte
ende heret per te dhene nje gjykim perfundimtar. "Besoj se luajta mire, ndonese vetem 30
minuta. Jam i lumtur qe shenova gol qe ne ndeshjen e pare, - u shpreh Rosha dje, duke folur
per "Sportin shqiptar". - Megjithate, besoj se kam mundesi te luaj edhe me mire, por me
nevojitet pak kohe." I pyetur se cfare mendon per skuadren dhe klubin "Partizani", braziliani
pergjigjet: "Une kam pak kohe qe kam ardhur ne kete klub, por me pelqen, sepse ka kushte
bashkekohore. Per sa i perket skuadres, me ate qe pashe ne ndeshjen e pare, mbeta i
kenaqur. Por me thane se atje mungonin disa titullare. Ndonese kam pak kohe qe jam ketu,
duhet te them se vete fakti qe Partizani eshte ne krye te renditjes se kampionatit, flet per
aftesite e kesaj skuadre. Gjithsesi, une besoj se kjo skuader do te mbetet pretendente per
titull deri ne fund te kampionatit." Heperhe, ai eshte sistemuar prane bashkatdhetareve te tij,
te cilet e ndihmojne edhe te mesohet me klubin dhe mjedisin shqiptar. Rosha eshte i pesti
brazilian aktualisht ne klubin e kuq, ku luajne mesfushoret Zheraldinjo e Marcelinjo dhe
sulmuesit Karioka e Abilio. Ky i fundit, ne shumicen e kohes, eshte prane Roshes, per arsyen
e thjeshte se sherben si perkthyes ne shqip kurdohere qe lind nevoja.
Altin B. KODRA
|
|