DINAMO Tirane - SK TIRANA |
3 : 1 ( 3 : 1 ) |
DINAMO Tirane: Ilion LIKA - Juljan AHMATAJ (77. Ergert BAKALLI ), Alpin GALLO , Luan PINARI
, Arjan PISHA - Redi Bashkim JUPI , Paulin DHEMBI , Ilir QORRI (52. Daniel XHAFAJ ), Sergei ROMANISHIN
(HUN) - Rigers QOSJA (70. Klodian ASLLANI ), Fjodor XHAFAJ . - On as sub: *Faruk SEJDINI (Coach)
|
SK TIRANA: Emanuel EGBO (NIG) - Krenar ALIHMEHMETI , Rezart DABULLA , Arian SHETA , Nevil Thanas
DEDE - Sokol BULKU , Mesheli EIMEN (NIG) (84. Elvis SINA ), Ardian MEMA - Indrit FORTUZI , Mahir
HALILI , Eldoraldo MERKOCI . - On as sub: *Shkelqim MUCA (Coach)
|
Goals: 1:0 Paulin DHEMBI (3.); 2:0 Fjodor XHAFAJ (30.); 3:0 Fjodor XHAFAJ (39.); 3:1 Eldoraldo
MERKOCI (45.)
|
Attendance: 5000 |
Referee: ALLKJA Myrteza (Elbasan) |
Yellow Card: Fjodor XHAFAJ (2.) / -
|
Minutat e lojes
3'- Goditja e pare nga kendi per Dinamon. Jupi kroson dhe ne zone Dhembi kercen fuqishem
dhe me koke e dergon topin ne rrjete, duke i dhuruar Dinamos nje start fantastik. 1-0.
5'- Pas nje aksioni personal, Fortuzi pengohet gjate nje dyluftimi me Dhembin. Bardheblute
kerkojne penallti, por gjyqtari Allkja vazhdon lojen.
13'- Perseritet e njejta situate ne zonen e Dinamos, por kete here pengohet Merkoci ne
menyre flagrante. Tirana kerkon 11-metershin, por perseri gjithcka eshte e rregullt per
gjyqtarin.
18'- Qorri kryen nje aksion personal dhe fut ne zone nje top per Fjodor Xhafen, por ky i fundit
nuk e kupton dhe mbrojtja e Tiranes largon rrezikun.
19'- Pas krosimit nga kendi, Dabulla gjuan keq me koke, por per fatin e mire te Tiranes, topi
shkon te Mema. Megjithate, gjuajtja fluturimthi me te majten e mesfushorit perfundon shume
metra mbi tra.
20'- Mema godet jashte zones, por topi kalon prane shtylles.
23'- Fortuzi ekzekuton nje goditje te lire ballore, por topi del jashte, prane shtylles se djathte
te portes se mbrojtur nga Lika.
27'- Kundersulm i shpejte i Dinamos, Jupi leshon nje top te gjate per Fjodor Xhafen. Sulmuesi
le pas Dabullen dhe ne pozicion shume te priret godet fort, por portieri Egbo pret pa
veshtiresi.
30'- Dinamo kundersulmon serish me shume shpejtesi dhe kete here eshte Dhembi qe kroson
nga e djathta per Fjodor Xhafen. Sulmuesi fluturon ne ajer dhe me koke e dergon topin ne
rrjete. 2-0 per Dinamon.
35'- Pas nje goditjeje te lire nga e djathta e sulmit te Tiranes, Sheta godet me koke, por topi
kalon mbi tra.
37'- Merkoci kontrollon mire topin brenda zones, kalon edhe portierin, por ne menyre te
habitshme, fare prane portes se zbrazur, nuk mundet te ruaje ekuilibrin dhe godet vetem
rrjeten e jashtme, duke humbur rastin me te paster per Tiranen.
39'- Kombinim i shkelqyer midis Qorrit dhe Fjodor Xhafes. I pari, i gjendur midis dy
mbrojtesve, kercen fuqishem dhe me kembe e dergon topin drejt Xhafes, i vendosur pas tij.
Sulmuesi vlonjat kercen gjithashtu fuqishem dhe me koke i kthen pasimin Qorrit. Sprinti i
fuqishem i ketij te fundit le pas mbrojtesit e Tiranes dhe ne hyrje te zones, pas nje goditjeje te
fuqishme me te majten, e dergon topin ne trekendesh. 3-0 per Dinamon.
45'- Ne sekondat e fundit shtese te pjeses se pare, Merkoci shkurton diferencen per
bardheblute, me nje gol model. Pas krosimit nga e djathtta e sulmit, Merkoci, i vendosur mbi
vijen e zones se portes, kercen fuqishem ne ajer dhe godet topin me nje roveshate
spaktakolare. Topi perplaset ne shtyllen e krahut te kundert dhe me pas hyn ne rrjete. 3-0.
Goli i shpreses per Tiranen.
49'- Dede del ne nje kundersulm nga e djathta, por prane fundores pason gabimisht drejt e ne
duart e portierit, ne nje kohe qe Fortuzi e Merkoci ishin ne pozicione te pershtatshme per te
goditur porten.
51'- Mema, ne pozicion te priret, gjuan fort, por jashte.
53'- Fjodor Xhafa, gjate nje aksioni nga e djathta, pengohet ne hyrje te zones dhe kerkon
penallti, por merr vetem kartonin e verdhe per simulim nga gjyqtari.
58'- Fjodor Xhafa godet me koke pas krosimit te kendit nga Jupi, por topi kalon mbi tra.
76'- Ne hyrje te zones, Merkoci godet fort me te majten dhe topi kalon pak centimetra mbi
traun e portes.
87'- Pas aksionit te Tiranes nga e djathta, Pisha hidhet me koke per te nderprere krosimin, por
rrezikon te dergoje topin ne porten e tij. Vetem kendore dhe rasti i fundit per Tiranen.
Skuadra e Faruk Sejdinit arrin nje fitore te madhe, fale besimit dhe kundersumit te shpejte.
Tirana, e erret
Dinamo, thyhet miti bardheblu
Nga Tirana, Dritan Ikonomi
Thane pas ndeshjes
Faruk Sejdini, trajner i Dinamos: "Eshte shume e rendesishme qe arritem te thyenim nje mit,
pas kaq vjetesh pa fitore kunder Tiranes. Mendoj se skuadra ime luajti shume mire dhe arma
kryesore per fitoren tone ishte pikerisht besimi per fitore. Gjate gjithe javes u kisha thene
lojtareve se nuk do te me kenaqte nje fitore 1-0. Natyrisht, une nuk mendoja se do te fitonim
thelle, por deshiroja te motivoja lojtaret dhe t'u tregoja se nuk pranoja rezultat tjeter pervec
fitores".
Shkelqim Muca, trajner i Tiranes: "Pesuam nje gol qe ne minuten e trete, cka beri qe gjithcka
te ndryshonte qe ne fillim. Pas golit ne sulmuam, ne kerkim te barazimit, por per fat te keq
kundershtari jo vetem qe u mbrojt shume mire, por ishte edhe shume i rrezikshem ne
kundersulmet e shpejta. Goli na dha shpresa per pjesen e dyte, por Dinamo u mbrojt shume
mire dhe sulmuesit tane nuk munden ta gjenin rrugen e golit".
Monologu i specialistit
Nga Edmond Gezdari
"Ndeshja filloi praktikisht 1-0 per Dinamon, pas golit qe ne minuten e trete. Me pas, gjithcka
foli per Dinamon, e cila u paraqit shume me mire taktikisht dhe teknikisht. Dinamo u mbrojt
shkelqyeshem dhe me ane te dy sulmuesve te saj te shpejte ishte teper e rrezikshme ne
kundersulm, gje qe solli shenimin e dy golave te tjere. Tirana u perpoq, por ishte e paqarte
dhe ne pjesen e dyte ndjeu edhe lodhje fizike. Lojtaret e Dinamo shfaqen shume deshire dhe
ishin teper luftarake per cdo top dhe ishin superiore ne fitimin e dueleve me lojtaret e Tiranes,
te cilet nuk munden te dilnin ne lojen e tyre".
Jashte lojes
Ne prag te ndeshjes, 22 lojtaret dhe gjyqtaret dolen ne fushe me bluza te bardha, ne shenje
solidarizimi me rastin e Dites Boterore kunder SIDA-s.
Ndeshja Dinamo-Tirana u zhvillua e tera nen ndricimin e prozhektoreve te stadiumit kombetar
"Qemal Stafa", por tabela e madhe elektronike qendroi gjate gjithe kohes me "ekran te erret".
Ne castet e fundit te takimit, nje spektator hyri ne fushen e lojes. Anesori dhe gjyqtari i katert
sinjalizuan kryesorin per te nderprere takimin, por ndeshja perfundoi me tifozin brenda
fushes, sepse gjyqtari Allkja sinjalizoi fundin e lojes.
??
Dinamo ul mitin e Tiranes
Fitore e merituar 3-1, e skuadres se Sejdinit, pas nje loje taktikisht te persosur. "Nuk do te
isha i kenaqur me 1-0", - thote trajneri fitues pas takimit. Muca: "Pesuam gol shume shpejt.
Pastaj, mbrojtja gaboi". Teuta rikthehet ne kryesim. Fiton 1-0 ne Shijak me Flamurtarin
Bledar KUKA
TIRANE - Dinamo e Farruk Sejdinit dhe Besnik Sulajt fitoi 3-1 mbreme me Tiranen, per javen e
11-te te kampionatit te futbollit, duke u bere skuadra e pare, kete sezon, qe permbysi mitin e
bardhebluve. Ky rezultat i dha mundesi Teutes se Durresit qe te kthehej ne kryesim, nje jave
pasi e kishte humbur ate, pikerisht me Tiranen. Durrsaket fituan 1-0 me Flamurtarin ne Shijak
dhe jane ne kuoten e 24-pikeve, nje me shume sesa tiranasit dhe 2 me shume sesa
dinamovitet. Me nje taktike te persosur, te studiuar gjate gjithe javes dhe me nje deshire te
papermbajtur per revansh, Sejdini ia doli te kapercente nje tradite 10-vjecare negative, dhe
skuadra e tij u tregua ne fushe si nje kolektiv qe nuk dinte te kenaqej me aq sa kishte arritur.
"Gjate gjithe javes, - tha trajneri fitues, pas ndeshjes, - u kisha thene lojtareve se nuk do te
isha i kenaqur me fitoren 1-0, madje as edhe me fitoren 2-0, por do te me dukej mjaft nje
rezultat 3-0". Ky ishte mentaliteti qe krijoi ai tek "blute", te cilet jane tani fare prane kreut, 2
pike larg Teutes. Ndeshja e ndihmoi strategjine e dinamoviteve, sepse qe ne minuten e 2-te,
Dhembi shenoi pas nje gabimi te portierit Egbo. Me pas, ndodhi ajo qe Muca e kishte me
shume frike, por qe nuk mundi ta parandalonte: Sulmi i Dinamos ishte shume i shpejte dhe i
zhdervjellet per mbrojtjen me te ngadalte tiranase. Trajneri bardheblu kishte punuar gjate
gjithe javes per te shkulur nga mendja e lojtareve te tij, kujtimet e lumtura te se kaluares, por
nuk ia kishte arritur qellimit. Lojtaret e Sejdinit vrapuan me shume ne fushe, me top dhe pa
top, e gjeten me mire njeri-tjetrin dhe ishin me sycelet ne veprimet e tyre. "Humbem nje
beteje, - pergjigjet Indrit Fortuzi, - jo luften. Ne do te rikthehemi".
U duk qarte se forca per revansh e Dinamos dhe sedra e saj per te treguar se nuk duhej
nenvleftesuar, prodhuan me shume loje dhe energji sesa mentaliteti fitues i Tiranes dhe
deshira e saj per te qene gjithnje e para. Fitorja i kushtoi shume psikologjikisht Dinamos.
Trajneri Sejdini po kerkonte me ngut te ndizte nje cigare, para se te jepte intervistat e rastit,
teper i lodhur nga emocionet. Kapiteni Redi Jupi e kishte te veshtire te mblidhte veten, pas
njerit nga sukseset me te rendesishme te karrieres se tij, madje, per nje cast, harroi se
ndeshja e radhes eshte ne Shkoder, dhe tha se ajo ishte ne Durres (Ne Durres, Dinamo ka
luajtur dhe ka dale 1-1). Kishte 6 vjet qe blute nuk fitonin me tiranasit, qe nga ai 2-1 i 1995-es,
kur Tirana e kishte fituar titullin disa jave para fundit te kampionatit. Kjo fitore eshte shume
me e rendesishme. Me kete 3-1 Dinamo pretendon se ajo eshte me e forte sesa Tirana dhe
synimet per titull i ka edhe me serioze se me pare. Natyrisht, kjo pret te konfirmohet ne
ndeshjet e ardhshme, duke nisur qe nga takimi i te shtunes qe vjen, ne "Loro Borici" te
Shkodres.
KRYESUESI
Dedja: "Ne Shijak, me mire se ne Durres"
"Ndoshta nuk pritej qe ne te riktheheshim ne kryesim kaq shpejt, por derbi i Tiranes mund te
perfundonte edhe keshtu, pra ne i kishim te gjitha shpresat. Ndaj Flamurtarit, ne luajtem
shume mire, por ata kishin nje portier shume te mire qe na ndaloi shume gjate. Nje fitore e
veshtire, por edhe e merituar. Dua te them se fusha e Shijakut ishte me e mire sesa fusha qe
ka qene ne Durres".
FITUESI i DERBIT
Sejdini: "Kenaqem vetem me shume"
Si e pergatitet ekipin psikologjikisht per kete ndeshje?
"Gjate gjithe javes iu kam thene se nuk do te kenaqesha me rezultatin 1-0, madje nuk do te
isha shume i kenaqur as me 2-0, por do te me mjaftonte nje 3-0. Kuptohet, une nuk eshte se
parashikova gje, por ua thashe per t'iu ngritur moralin dhe kjo funksionoi".
A patet shqetesim pas golit te Tiranes?
"Kuptohet, qe duhej rritur kujdesi, por une u merzita qe lojtaret e mi nuk kerkuan golin e 4-t
dhe te 5-te. Ishte e mundur".
Cfare ju kenaqi me shume nga ekipi juaj?
"Jam shume i kenaqur per deshiren per te fituar dhe per te luajtur me guxim. E shihja se
lojtaret e mi donin te luanin mire dhe te tregonin veten".
Tani jeni pretendente edhe me serioze se me pare.
"Ne kemi qene pretendente dhe une kam besuar tek kjo skuader, ndonese e gjeta me 9 pike.
Ne kemi perberje shume te mire dhe jemi pretendente kryesore".
Cila ishte dobesia e Tiranes sot?
"Mendoj se ajo ishte e vetekenaqur nga e kaluara dhe nuk ia merrte mendja se do te
humbiste".
HUMBESI i DERBIT
Muca: "Pesuam gol shume shpejt"
E prisnit nje humbje te tille kaq te rende?
"Jo, por gjithcka ndryshoi pas pesimit te golit te pare. Ishte shume shpejt dhe ne beme
gabime, sidomos portieri. Pastaj, mbrojtesit tane te qendres gabuan shume, duke i dhene
shume hapesire lojtareve te shpejte te Dinamos, qe kishte nje kundersulm shume efikas,
sot".
Disa lojtare si Dabulla apo Merkoci nuk ishin ne diten e tyre.
"Kjo ndodh me lojtaret. Nuk mund te perjashtohet".
Ndoshta nuk e shmanget dot vetekenaqesine e nje bilanci teper te mire me Dinamon?
"Iu kisha thene lojtareve se Dinamo eshte ekip shume i organizuar. Mund te them se skuadra
jone beri presion dhe kerkoi qe te reagonte ne cdo moment. Nuk mund te fitohet cdo ndeshje.
Pastaj, ne jemi perseri pretendente dhe fare prane vendit te pare".
Dinamo, me e forte se ju?
"Nuk mund te thuhet. Ne e dinim se ajo ishte e forte dhe mbetet pretendente per titull".
FLASIN YJET
Jupi: "Kerkuam golin e katert"
Kapiteni i Dinamos, Redi Jupi deklaron se ekipi i tij ishte i bindur se mund te fitonte me
Tiranen, madje u tregua aq profesionist saqe e kerkoi edhe golin e katert. "Ne e kerkuam edhe
golin e katert, - u shpreh ai, - por duhet pranuar se ishte edhe merite e Tiranes qe nuk pesoi
me shume gola". i bindur se skuadra e tij e meritoi kete fitore, ai deklaron se mentaliteti fitues
do te shikohet edhe ne ndeshjen e radhes. "Ne do te shkojme ne ndeshjen e ardhshme ne
Shkoder, - tha numri 8 dinamovit, - dhe do te kerkojme edhe atje rezultat pozitiv". Redi
vlereson edhe ekipin tiranas, ndonese dje u mund nga Dinamo e tij. "Tirana eshte nje ekip qe
nuk e pranon kurre humbjen. Edhe ndaj nesh u perpoq ta ndryshonte rezultatin, ndonese nuk
ia arriti", - perfundon ai.
Fortuzi: "Humbem nje beteje, jo luften"
Goleshenuesi me i mire i kampionatit, prej 2 ndeshjesh pa gol, Indrit Fortuzi deklaron se ekipi
i tij mbetet pretendent kryesor per te fituar titullin kampion, megjithe humbjen me Dinamon.
"Kjo ishte nje humbje qe edhe mund te ndodhte, sepse ishte ndeshje derbi, - tha ai, - ne nuk
eshte se donim qe te humbisnim, por Dinamo u tregua shume e sakte dhe shfrytezoi shume
shpejt mundesite qe iu paraqiten". Ai nuk ishte ne gjendje te thoshte se cilat ishin dobesite e
skuadres se tij, por kembengul se Tirana do te jete ne krye te valles per titullin kampion. "Ne,
- pohon "Zogu", - do te jemi pretendente kryesore per fitoren e titullit. Jam i bindur se do te
reagojme pas kesaj humbjeje. Humbem nje beteje, por jo luften".
Futboll- Tirana thyhet ne "Qemal Stafa" nga tre gola te Dinamos
TIRANE, 1 dhjetor /ATSH-E.Todhe/.- Tre gola ne pjesen e pare te ndeshjes te shenuar nga
ekipi i Dinamos, kane thyer kryesuesen e tabeles se kampionatit, Tiranen. Rrjeta e portierit
Egbo eshte tundur qe ne minuten e 3-te nga mbrojtesi dinamovit Dhembi. Ka qene nje goditje
nga kendi e ekzekutuar nga Jupi, qe Dhembi e ka kthyer ne gol. Tirana ka kerkuar golin, por
nuk ka qene e qarte ne veprime, keshtu qe ne minuten e 31-te Fjodor Xhafa ka dyfishuar
rezultatin nga nje pasim i Dhembit. Ne minuten e 37-te Merkoci humb nje rast vetem me
portierin Lika. Menjehere ne minuten e 38-te nje kombinim i Qorrit me Xhafen ne nje
kundersulm, ka sjelle edhe golin e trete ku Qorri ka shenuar duke perfituar edhe nga dalja e
portierit te Tiranes. Tirana ka mundur ta shkurtoje distancen e rezultatit me Merkocin ne
minuten e 45-te. Ne pjesen e dyte te takimit, ekipi i Tiranes ka krijuar me shume volum loje,
por me sa duket Sejdini i kishte porositur lojtaret e tij te ruanin rezultatin, gje qe ata e kane
kryer me se miri. Ka perfunduar keshtu me rezultatin 3-1 ndeshja Dinamo - Tirana. Ekipi i
Tiranes nuk ka qene ne formen e tij me te mire, gje e shfrytezuar nga Dinamo. /A.KE/
2001-12-01
|
|