VLLAZNIA Shkoder - SK TIRANA |
0 : 3 ( 0 : 1, 0 : 2 ) a.E. |
VLLAZNIA Shkoder: Arjan MUSTAFA - Elvin BEQIRI , Ilir DIBRA (58. Admir TELI ), Safet OSJA
(83. Amarildo BELISHA ), Astrit PREMCI - Edmond DALIPI , Suat LICI , Sajmir PATUSHI - Klodian DURO
, Edi MARTINI , Vioronsin SINANI . - On as sub: *Ramazan RRAGAMI (As.Co.
|
SK TIRANA: Emanuel EGBO (NIG) - Krenar ALIHMEHMETI (70. Alban TAFAJ ), Rezart DABULLA , Arian
SHETA , Elvis SINA - Ervin BULKU , Sokol BULKU (46. HASSAN HANI ), Bledar DEVOLLI , Ardian MEMA
- Indrit FORTUZI (92. Eldoraldo MERKOCI ), Mahir HALILI . - On as sub: *Shkelqim MUCA (Coach)
|
Goals: 0:1 Indrit FORTUZI (40.); 0:2 Indrit FORTUZI (88.); 0:3 Eldoraldo MERKOCI (94.)
|
Attendance: 4000 |
Referee: JARECI Sokol (Tirana) |
Yellow Cards: Safet OSJA (1.), Sajmir PATUSHI (2.) / Emanuel EGBO (NIG) (1.), Elvis SINA
(1.), Sokol BULKU (1.), Bledar DEVOLLI (1.)
|
Yellow/Red Card: - / Arian SHETA (63. Minute)
|
Futboll- Fitore e merituar e Tiranes ndaj kampioneve te Vllaznise
LEZHE, 6 tetor/ATSH- M.Malja/. - Kryendeshja e javes se trete te kampionatit kombetar te
futbollit ishte ajo e zhvilluar te shtunen ne stadiumin "Beselidhja" te qytetit te Lezhes mes dy
ekipeve me te mira te vendit, Vllaznise dhe Tiranes. Per kete takim ka patur nje interesim te
madh nga qindra tifoze shkodrane, te cilet kishin mbushur shkallet e stadiumit te qytetit te
Lezhes, duke pritur qe te fillonte kthesa e shumepritur e shkodraneve. Por, ka ndodhur ajo qe
nuk pritej, pasi shkodranet kane humbur me rezultatin e thelle 3-0. Kronika e lojes ka qene e
pasur ne pjesen e pare, gjate se ciles Vllaznia ka luajtur me mire dhe ka pasur disa raste
shenimi. Por, kur pritej qe te shenonin shkodranet, ishte sulmuesi i njohur i Tiranes, Fortuzi,
qe ne minuten 40-te kalon ne avantazh ekipin e tij. Me kete rezultat perfundon pjesa e pare.
Ne pjesen e dyte, kur pritej qe shkodranet do te rrisnin lojen e tyre, ka ndodhur e kunderta. Ka
qene Tirana e cila ka diktuar ne fushen e lojes. Ne minuten e 18-te, gjyqtari i takimit, Jareci,
nxjerr me karton te kuq futbollistin e Tiranes Sheta. Megjithese Tirana luan me 10 lojtare,
shkodranet nuk jane ne gjendje te shfrytezojne kete situate. Kur loja po shkonte drejt
perfundimit, ne minuten e 42-te ishte perseri Fortuzi qe shenon golin e dyte per Tiranen.
Ndersa ne minutat shtese ishte Merkoci qe shenoi golin e trete. Keshtu, i gjithe takimi
perfundon me rezultatin e thelle 3-0. Kjo humbje e shkodraneve, e cila eshte e dyta gjate
ketyre tre javeve te para te kampionatit, e coi ekipin kuqeblu ne fund te tabeles se klasifikimit.
/A.KE/
2001-10-06
Shkodranet ne kaos. Shkaqet ende nuk dihen. Trajneri Rragami kerkon qetesi per skuadren
Vllaznia: Qetesia, "ilaci" i krizes
Kampionet po kalojne momente shume te veshtira, madje me te veshtirat ne keto dekada te
fundit. Vllaznia ka perfituar tashme vendin e 14-te ate te fundit te renditjes, pas ndeshjes se
javes se trete. E kjo gje ka cuditur shumekend. Edhe vete Myftar Celen, njeriun qe ka
shpenzuar jo pak, vetem e vetem qe Vllaznia te jete 1-shi ne Shqiperi. Kjo i ka cuditur edhe
futbollistet kuqeblu, te cilet shikonin njeri-tjetrin ne sy dhe nuk e kuptojne se c'po ndodh me
ta. Ka cuditur tifozerine shkodrane, e cila pas humbjes 2-5 ne Shijak nje jave me pare, serish
ka mbushur stadiumin e Lezhes te shtunen, kunder Tiranes. Jo, kjo nuk eshte Vllaznia qe
duhet te jete. Ky ka qene dhe thelbi i cdo diskutimi te tyre. Kampionet jane ne krize, por ende
nuk dihet se cfare lloj krize eshte. Financiare as qe duhet cuar nder mend se mund te jete. Por
as krize e mungeses se lojtareve, sepse jane po ata qe u perballen denjesisht edhe ndaj nje
Gallatasaraji apo Rejkjavikut. Ndoshta eshte krize psikologjike, e cila duket se ka mberthyer
te gjithe futbollistet e Vllaznise. Por cila eshte menyra me e mire per te dale nga kjo situate?
Ramazan Rragami, njeri prej dy njerezve qe guxoi ta marre persiper drejtimin e skuadres ne
keto momente, thote se rruga me e mire eshte qetesia, pa mbledhje te gjata e pa denime
lojtaresh, sepse ashtu nuk fitohet asgje, por vetem perkeqesohet situata. Presidenti Cela
eshte larguar te shtunen nga Lezha teper i merzitur, pa e besuar se skuadra e tij eshte
mundur aq keq. Nuk ka biseduar me askend, por eshte larguar pa i thene gje askujt.
Futbollistet e Vllaznise duket sikur kishin qiellin mbi koke. Te ndjekur kudo nga veshtrimet e
tifozeve te tyre, ata jane ndiere fajtore, por pa e ditur pse po ndodh keshtu me ta. Te merzitur
se tepermi edhe me veten e tyre, kuqeblute meditojne gjate per menyres si duhet dale nga kjo
gjendje. Mundesite jane, harmonia ne ekip ekziston (ndryshe nga c'ishte folur perpara
ndeshjes se fundit), ne drejtimin e tyre kane dy specialiste te zote, si Rragami e Bushati, qe
dine te veprojne si duhet. Kane edhe nje mbeshtetje tjeter te forte, tifozerine shkodrane, e cila
ndonese e zhgenjyer, nuk e braktis kurre skuadren e saj te zemres. Sepse jeton me te, me te
mirat dhe te keqijat e saj. Gjendje te tilla kane kaluar dhe po kalojne edhe skuadra me te
medha se Vllaznia, e ketu kemi parasysh Real Madridin dhe Lacion. Shkodranet, te detyruar
te jene edhe pa stadium, jane katandisur ne kete menyre. Nese te shtunen ndaj Tiranes do te
ishte luajtur ne "Loro Borici", me siguri qe Vllaznia do te ishte skuadra e fituar e tani do te
ishin duke u marre me krizen e Tiranes. Megjithate, asgje nuk ka ndodhur. 6 pike eshte larg
kreut dhe keto nuk jane shume, sepse ka edhe 23 jave kampionat. Jane edhe 69 pike ne lojen
per titull e per te gjitha keto nuk duhet konsideruar si permbysje e botes fakti qe Vllaznia
aktualisht eshte ne fund te renditjes. Te gjithe jane te bindur se shume shpejt do te diskutohet
per Vllaznine e forte, Vllaznine pretendente per rifitimin e titullit. Kampionet kane forca per ta
bere kete, madje do ta tregojne shume shpejt.
Nga Gjergj Kola
Trajneri qe guxoi te ulet ne pankinen kuqeblu, habitet me ate qe po ngjet te kampionet
Rragami: Nuk e kuptoj c'po ndodh
Teper i merzitur nga humbja 0-3 ndaj Tiranes duket njeri nga trajneret qe e ka drejtuar ate ne
ndeshjen e se shtunes, pikerisht i njohuri Ramazan Rragami. Sipas tij, per te ndryshuar, te
Vllaznia duhet kaluar njefare periudhe, sepse ka shume gjera qe duhen levizur nga vendi.
Mbi te gjitha, ne mbrojtje, sipas tij. Nderkohe, sipas Rragamit, zgjidhja me e mire qe Vllaznia
te dale nga kjo situate eshte vetem qetesia. Pa mbledhje te gjata e pa denime lojtaresh,
sepse ne kete menyre nuk fitohet asgje.
- Rragami, tjeter zhgenjim i Vllaznise e kesaj radhe ndaj Tiranes...
- Eshte e vertete. Nje humbje ne shifra te tilla eshte e pajustifikueshme. Por per menyren se
si u zhvillua ndeshja, them se kjo skuader po kalon caste teper te veshtira.
- Atehere ku caloi loja ndaj Tiranes?
- Do te thosha se ka caluar ne mbrojtje dhe ne mesfushe, reparte keto qe, duke mos u
kombinuar mire me njeri-tjetrin, jo vetem qe i lane ne hije te dy sulmuesit, Sinanin dhe
Martinin, por edhe nuk arriten t'i mbulonin si duhet kundershtaret.
- Patet deklaruar se Vllaznise i mungon nje lojtar lider ne mbrojtje. Nuk arritet ta gjenit kete
per ndeshjen ndaj bardhebluve?
- Nuk eshte problemi se i mungon nje lojtar lider ne mbrojtje Vllaznise, sepse duke i marre
nga emrat, ata jane aktualisht te Vllaznia. Por problemi qendron ne gjithe lojen mbrojtese te
skuadres. Nese ne dy golat e pare te pesuar nuk e di ku ishin mbrojtesit, te cilet nuk arriten ta
markonin Fortuzin, ne golin e trete faji vinte nga mesfusha, sepse topi per Merkocin erdhi nga
ky repart. Per mendimin tim, Vllaznia nuk mbron, prandaj dhe vijne golat njeri pas tjetrit.
- Keni qene optimist se ndaj Tiranes futbollistet kuqeblu do te arrinin te dilnin nga momenti i
veshtire qe po kalonin, mirepo kjo nuk ka ndodhur. Perse, sipas jush?
- Eshte e vertete qe kur na u ngarkua drejtimi i ekipit se bashku me Bushatin, kishim per
detyre te benim maksimumin qe gjendja te mos keqesohej. Per kete arsye, e larguam ekipin
nga Shkodra per ne Velipoje, ku futbollistet ia kane bere hyzmetin ne maksimum pergatitjes
per kete ndeshje, si ne stervije ashtu edhe ne regjim e gjithcka tjeter. Megjithate, ndeshja
tregoi te kunderten, tregoi se gjerat duan kohe te rikthehen ne vendin e vet.
- Vetem nje pike e marre ne tri ndeshje, nga te cilat dy ne fushen e vet. Nuk mendoni se jane
pak per skuadren kampione te Shqiperise?
- Vertet jane pak, por duhet ta keni te qarte se Vllaznia te trija keto ndeshje nuk i ka luajtur ne
fushen e saj. Ne themi qe ndeshjet qe po luhen ne Lezhe jane ne fushen tone, por duhet ta
keni te qarte se futbollistet e Vllanise jane teper te ndjeshem per problemin e fushes. Jane
mesuar ne nje"Loro Borici" te mbushur plot e perplot. Megjithese perseri ne Lezhe ishin
shume tifoze, lojtaret tane perseri luajne disi me frike ne te gjitha ndeshjet jashte, duke mos
dhene plotesisht vlerat e tyre. Koncepti i fushes eshte shume vendimtar ne futbollin shqiptar.
- Dhe cila mendoni se do te jete zgjidhja me e mire qe Vllaznia te dale nga kjo krize?
- Qetesia, kjo do te jete menyra me e mire. Pa mbledhje te gjata, pa denime lojtaresh, sepse
ashtu nuk fitohet asgje, pervecse rendohet situata. Lojtaret duhet te kuptojne se te ata i ka
syte e gjithe Shkodra, dhe une jam plotesisht i bindur se kjo krize do te kaloje. Kjo u ka
ndodhur edhe skuadrave me te medha. Duke u mbeshtetur tek ajo se pas cdo zbritjeje vjen
nje ngjitje, them se keshtu do te ndodhe edhe me Vllaznine. Shume shpejt do t'i shihni
kampionet e vertete.
Gjergj Kola
Kapiteni i rikthyer i Tiranes, ne qiellin e shtate per fitoren e thelle: "Nuk i kemi hequr qafe
shkodranet"
Alimehmeti: Vllaznia? Eshte pretendente
Shumekush mund te mendonte se ky ishte fundi i karrieres se tij. Ka munguar ne ndeshjet e
Kupes UEFA, ne kupe dhe dy takimet e para te kampionatit, por veterani bardheblu, Krenar
Alimehmeti, eshte rishfaqur ne nje nga ndeshjet me te rendesishme, ate kunder Vllaznise. Me
shume vite mbi shpine, me shume tituj dhe me po kaq pervoje, kapiteni i mirenjohur i Tiranes
ka bere debutimin e tij per kete sezon ne Lezhe. Atje ku skuadra e tij ka fituar ne menyre te
magjishme, 3-0. Nje nga meritat i takon, pa dyshim, edhe idhullit, dirigjuesit te mbrojtjes
bardheblu per shume kohe. Vete Alimehmeti, te cilin dikush e shihte me nje te ardhme te afert
prej zevendesi te Muces, thote se tashme do te jete stabel ne fushe, pasi i ka lene prapa
demtimet.
Edhe pse nuk ka qene protagonist ne fushe deri tani, Alimehmeti thote se jane pervijuar disi
skuadrat kryesore te kampionatit. Pervec atyre qe kryesojne, ai beson se Vllaznia do ta marre
shpejt veten, ndersa ka mbetur i befasuar nga paraqitja e Teutes se Durresit.
- Keni bere debutimin tuaj per kete vit, me nje fitore kunder rivaleve kryesore. A jeni i
kenaqur?
- Sigurisht qe jemi te kenaqur. Eshte nje fitore e rendesishme, pasi vjen kunder rivales sone
kryesore per kampionat, Vllaznise. Per me teper, ne fushen e tyre. Vete kam pasur probleme
te shumta, per te ardhur deri ketu. Kam bere debutimin per kete vit futbollistik vetem dje (te
shtunen) me Vllaznine, duke lene te gjitha ndeshjet e meparshme. Por kjo fitore me gezon
jashte mase. Nuk kishte sesi te shkonte me mire.
- Nje fitore e thelle. E mendonit se do te shenonit tre gola kunder shkodraneve ne Lezhe?
- Jo, kurrsesi. Ne shkuam per te fituar. Kjo eshte eshte e vertete, pasi jemi Tirana, por tre gola
jane shume. Une e vleresoj skuadren e Vllaznise. Ajo eshte nje skuader mjaft e mire, qe luan
mire futboll, por thjesht po kalon nje cast te keq. Nje cast krize. Shume shpejt mund ta marre
veten dhe mund te ngrihet serish me skuadrat e kreut te klasifikimit. Pra, mendoj se do te jete
njera prej rivaleve tona per kampionatin. Nuk ka dyshim, pasi luan nje futboll te bukur, te cilen
e demonstroi edhe dje, pavaresisht sesi rrodhen ngjarjet, pavaresisht humbjes se tyre 3-0.
- Nje krize te tille e kishte edhe Tirana deri te shtunen, apo jo?
- Jo, nuk mendoj keshtu. Tirana nuk kishte ndonje krize te tille te ngjashme me Vllaznine.
Skuadra ime kishte vetem nje krize psikologjike.
- Ky problem eshte zgjidhur pas kesaj ndeshjeje, apo jo?
- Mendoj se po. Tani jemi ne rrjedhen normale te kampionatit dhe do te bejme detyren tone
per te fituar.
- Jeni ne krye me tri skuadra te tjera. Mendoni se konkurrenca eshte bere me e ashper kete
vit?
- Po, kjo eshte e vertete. Pervec Vllaznise, qe ishte kryesorja vjet apo Dinamos, tani jane
shtuar edhe Partizani apo Teuta. Une do te vecoja nga keto skuadra, per ate qe ka dhene deri
tani, Teuten e Durresit. Me ka pelqyer mjaft. Eshte rritur kete kampionat.
- Vete ju, si skuader, jeni me te forte se vjet?
- Tirana mbetet Tirane. Eshte nje skuader qe gjithnje kerkon te fitoje, per te arritur me te
miren. Gjithnje ka qene pretendente dhe besoj se eshte edhe sivjet. Ne kete kuader, nuk
mendoj se ka shume vend per te bere krahasime.
- Duke u rikthyer tek ju vete, si kapiten, do t'ju shohim perhere ne rolin e mbrojtesit te lire?
- Nuk ka pse jo. E thashe qe kam pasur disa shqetesime me demtimet. Por tani ndihem me
mire. Pas ndeshjes me Vllaznine, them se do te jem i gatshem per vazhdimin e kampionatit.
Ne kete takim pesova nje demtim te vogel, te cilin shpresoj se do ta rekuperoj brenda javes,
per te qene gati per ndeshjen e ardhshme.
Altin Shordi
El Sajed, perjeton fitoren ne... celular
Ka ndodhur te shtunen, gjate gjithe ndeshjes se Tiranes se tij kunder Vllaznise se Shkodres,
ne Lezhe. Presidenti i skuadres se Tiranes, ne pamundesi per ta ndjekur direkt takimin
kunder rivales me te rrezikshme te skuadres se tij, e ka ndjekur pothuajse gjithe ndeshjen,
duke komunikuar nepermjet telefonit celular me njerezit. Nga keto burime merret vesh se El
Sajedi e ka pasur vecanerisht merak kete takim, pasi luante kunder skaudres qe u hoqi nga
dora titullin vitin e kaluar Superkupen vetem tri jave me pare. Presidenti i Tiranes eshte
ndodhur ne Itali per ceshtje private, por vetem trupi e ka ndare nga stadiumi "Beselidhja",
pasi e ka perjetuar plotesisht kete takim. Sipas njerezve qe kane qene me te ne kontakt, ai ka
ndier te njejtat dritherima, eshte gezuar per golat dhe fitoren, sikurse te gjithe bardheblute e
tjere qe jane ndodhur ne stadium.
A.SH
Pas kthimit te Alimehmetit, mesfushori kthehet ne rolin e vet
Mema i "rikthehet" mesfushes
Bardheblute vihen serish me rolet e tyre natyrale. Te shtunen, ne fitoren e madhe te skuadres
se Tiranes kunder rivaleve te tyre kryesore vitin e kaluar futbollistik, jane vene re disa
ndryshime ne role, te cilat nuk jane asgje pervecse kthim i futbollisteve ne vendet e tyre te
natyrshme. "Rregulli" eshte vendosur me rikthimin e kapitenit te ekipit, Krenar Alimehmetit.
Mungesa e tij e gjate ne skuadren bardheblu ka krijuar jo pak probleme ne rolin e mbrojtesit
te lire. Ne ndeshjet e Kupes UEFA, ne kete rol, erdhi egjiptiani Abdu, i cili mbrojti mjaft mire,
por kontrata e tij me skuadren bardheblu ishte vetem per dy takimet evropiane. Pas kesaj ne
ndeshjet miqesore, por edhe ne ato zyrtare, ne kete rol ka pasur shume emra, te cilet kane
role te tjera ne fushe. Problemi i ketij roli arriti kulmin ne ndeshjen e Superkupes, pikerisht
kunder Vllaznise se Shkodres, te cilin bardheblute e humbin me rezultatin 2-1. Ne perfundim
te ndeshjes, trajneri Muca, ne keshillim me disa nga specialistet e klubit, vendosin qe ne kete
rol te vendosin mesfushorin Ardian Mema, i cili kishte luajtur dikur aty. Por vetem dy ndeshje
ka zgjatur eksperimenti, pasi me kthimin e veteranit Alimehmeti, gjithcka duket e zgjidhur per
skuadren bardheblu. Ai eshte vendosur ne vendin e tij, ndersa Mema ka treguar cilesite e tij
ne mesfushe. Gjithcka ka ecur mjaft mire, ndersa bardheblute kane fituar me rezultatin 3-0.
A.SH
Futboll- Shkodranet se shpejti me trajner te ri
SHKODER, 8 tetor/ATSH- M.Malja/. - Drejtuesit e klubit Vllaznia dhe vecanerisht presidenti
Cela prej ditesh po kontaktojne me emra te njohur te futbollit shqiptar, te cilet mund te marrin
drejtimin e ekipit shkodran. Burime nga klubi Vllaznia bejne te ditur se, deri tani kane ardhur
mbi 20 propozime te ndryshme, cka tregon se te gjithe trajneret kane deshire te punojne ne
ekipin kampion. Nder emrat me te lakuar keto dite jane ato te specialisteve Medin Zhega,
Neptun Bajko, Edmond Gezdari, Agim Medja etj. Presidenti i kuqebluve, Myftar Cela, thote se,
"po i shohim te gjitha propozimet dhe do te zgjedhim kandidaturen me te pershtatshme". Ne
krye te ekipit kampion prej 10 ditesh pas shkarkimit te trajnerit malazez, Haxhiosmanovic,
jane trajneret shkodrane, Ramazan Rragami e Artan Bushati. Ekipi i Vllaznise gjate tre javeve
te para te kampionatit kombetar te futbollit ka grumbulluar vetem nje pike dhe kjo gjendje ka
shqetesuar jo vetem presidentin e klubit, Cela, por edhe tifozerine e shkodrane, qe cila kerkon
qe shume shpejte te ndryshoje gjendja e ekipit. Specialisti i futbollit, Ismet Hoxha, thote se,
"paraqitja e dobet e ekipit te futbollit nuk eshte pasoje e pergatitjes se skuadres, pasi ekipi
zhvilloi ndeshje cilesore ne kuader te Liges se Kampioneve". Sipas tij, ne takimet e para
ekipi ka treguar dobesi ne repartin e mbrojtjes, duke krijuar hapesira per sulmuesit
kundershtare. Ekipi Vllaznise ne kampionatin kombetar te vitit te kaluar eshte shpallur fitues i
ketij trofeu, ndersa rreth nje muaj me pare ka fituar dhe Superkupen e Shqiperise. /A.KE/
2001-10-08
|
|